Og hvar er heimurinn núna?

Hvar eru ríkin sem fagnaði því hversu "vestrænn" Georgía vill að vera? Er það kannski út af því að 23% af gasi sem Evropa notar kemur frá Gazprom? Hvers virði er líf, á móti brúttó tonn af olíu eða gasi?

Meira um hvers vegna gas og olía er á bak við þetta stríð.

Einnig er grein hér sem útskýra meira um málið.

Georgía kallar eftir vopnahléi

Athugasemdir

[Gunnar Hrafn Jónsson (IP-tala skráð) 9.8.2008 kl. 22:28]

Þetta er hið flóknasta mál. Stalín, sem var auðvitað Georgíumaður, var á sínum tíma settur yfir þeirri deild kommúnistaflokksins sem skráði þjóðarbrot og úthlutaði þeim ákveðnum svæðum. Hann tók alrússnesk svæði á borð við Suður-Ossetíu og Abkasíu og gerði þau hluta af Georgíu á meðan Georgíumenn voru hraktir brott af svæðum þar sem þeir höfðu áður verið í minnihluta. Hann reyndi semsagt að færa þjóðirnar aðeins til á kortinu af því að það hentaði honum af einhverjum ástæðum.

Það er líklega ástæðan fyrir því að Rússar gerðu sprengjuárás á þorpið Gori í dag. Þorpið hefur enga þýðingu utan þess að vera staðurinn þar sem Stalín fæddist.

Hitt er auðvitað rétt að Rússar fara offörum vegna þess að þeir óttast aðild Georgíu að NATO. Þeim væri örugglega þannig séð sama um þetta svæði ef þeir hefðu ekki sinna eigin geo-pólitísku hagsmuna að gæta. Ég held hins vegar að Georgíustjórn hafi ekki gert sér neinn greiða með því að hjóla svona í Suður Ossetíu á þessum tímapunkti. Þetta mun bara seinka aðildarviðræðum við NATO ef eitthvað er.

Ég vonast annars til að fræðast eitthvað meira um þetta á morgun þegar kemur að því að gera einhverja aðeins dýpri analýsu á ástandinu og tala við stjórnmálafræðinga og aðra. Það var bara svo mikið að gerast í sjálfri innkomu Rússa í stríðið að það gafst ekki tíma til að fara almennilega í undirrótina í fréttatímanum í kvöld.

Með kveðju,

--- Gunnar Hrafn